so, i ben scho wider ufem hei waeg. ben jetz am mittag vo denpasar bali uf kuala lumpur gfloge und warte uf de witerflug. de hani natuerlech chli foerig zyt, und tue do noch chli zuegs schribe… :o)
wenn alles so lauft wies set, gohts do i nes par stund witer und am sundigmorge 06.15 chumi de ds zueri a… de hani de jo no en ganze tag zum entspanne bevors de witer goht… :o)
also de…. see ya soon….
cheers
o
so chinder,
mini zyz do in bali neigt sech langsam aber sicher, unweigerlech em aendi zue…. i han no ein tag surfe und uebermorn gohts jo scho retour… uf die eint site isches viel z schnaell gange, uf die ander site, seit mer aber min koerper au langsam dass er chli erholig vo de „ferie“ brucht :o)….
huet hani zum erscht mol e session usgsetzt und ben am nami statt surfe gsi go shoppe…. han vor luter verschiedene agebot schwaer de ueberblick verlore und hoffe mol dass i ned z viel ramsch gkauft han… :o)
mim letschte itrag vo bali us tueni aber jetz no rasch 2 foeteli vo usem surftrip am morge druf. mini kamera isch leider jo ned wasserfescht, drum gits nur foeteli vom land us, aber i probier mer ev ds eint oder ander no ds organisiere… die pics gits de aber ersch wenn i retour ben….
fuer de eint spot haemmer ds schluchboot mitgnoh und sind no 15 minute zum riff use padlet… bescht surfsession ever!!!!
meh oder weniger ydillische blick ufds meer use… ganz links isch ganz schuech de break ds erkenne womer sind go surfe….
that’s it….
i wuensch nech was und bes gli i de schwyz….
cheers
o
so, do waeri wider, und i hoffe dass i wider es paar foeteli chan druf geheie, aber die haends do irgendwie ned so met de technik :o) defuer muessi nur oepe 100 meter laufe vom camp bes zum internet kafi.
am samstig isch de freitag vo de surfguides, drum haemmer ues ds 7te zaeme to und sind chli go bali aluege. d.h. mir sind ersch am halbi nueni gange, drum haemmer no vom 6i bes am 8i en morgesurf, grad do am strand choenne neh… :o) mh, viel met usruebe isch do ned… je nach gezite (ebbe/fluet) chas scho am morge am saechsi los goh zum erschte spot. de gohts hey go zmittag aesse und de wider an naechschte bes ca. am 6i.
aber zrugg zu uesem usflug. mir haend en ganze tag voll ds turi-programm dure geh, met tempel, see, ris-terasse etc. wie sechs ghoert. haend oepe d haelfti vo de insle gseh, und i wuerd eu jo gaern d foeteli zeige, aber ebe… :o) die haend genau ein card-reader fuer ds ganze internetkafi und de isch bsetzt…. however… i uerberlohs chli eure fantasie….
morn gohts am morge am 5i los uf en zwei tages trip a die laengscht links-waelle vo bali met bbq und am strand penne etc… freu mi scho druf. und chum beni zrugg goni no ufne 4 tages trip ufne anderi insle uebere go luege wie det d waelle so choeme…. met em surfe klappets faengs scho richtig guet… han mer zwar scho de ruef als chli respektlose surfe igfange, d.h. respektlos gaegenueber em riff, fels und de teilwyz chli herte waelle, aber bes jetz beni immer glimpflech devo cho… es par schnitt i de fuess-sole und es par chratzer, plus en ding im board isch alles gsi wo passiert isch. han defuer jetz chli nes chliners schnaellers board doerfe usefasse…. :o)
hey also de, jetz hani scho viiiel z viel gschribe… i set go aesse und mer no chli chinesischi medizin go hole, fuer mini blessure….
hebeds guet….
cheers
o
aendlech hani zyt gfunde zum min erschti itrag in bali z mache. s isch traumhaft do!! perfekti temperature, ueberall chillig, schoeni vegetation, fruendlichi luet…. ok, d waelle choennte fuer min gschmack zwar es chlises bitzeli groesser si, aber das isch vilech grad guet so. s waer jo fasch schad wenn i scho wuerd abdanke… ;o)
zum afang hani daenkt gits mol vor allem bilder vom camp. s isch super gmacht!! bis is detail isch alles uf ruschtikal und glichzytig uf meeega gmuetlech gmacht. d duschene sind z.b. eifach bambus-roehre wo us de wand choeme, ebeso de wasserhane und ufem wc hets so viel pflanze dass choenntsch meine seigsch im wald :o) aber lueg doch saelber…
balkon vorem zimmer met gmuetliche baenk mit laederpolster womer easy nass chan druf sitze/ligge.
blick ufs pool und s restaurant womer meischtens zmorge und zmittag aessed…
blick vom resti retour zu de zimmer…
und no nes bild vom resti/chillout area…. waer doch e idee fuerd buerogschtaltig, ned??
zum schluss no eis vom meer. wie gseit, d waelle sind eigentlech easy…. huet woni d kamara debi gha han sind natuerlech prompt wolke ufzoge, aber s isch eigentlech ned schlaecht. jetz isches chli chuehler worde. nur no 34/35 grad ;o)
so, allso de…. s naechscht mol probieri es par surferpics ufe ds lade. bes denn haltet mol d ohre stief… ;o)
cheers
o
so, s isch halbi 12i zobig, fritig 5. oktober u morn gohts ändlech los ad wärmi. han mer grad no chli überleit was i chönnt vergässe ha, aber s isch mer nüt schlaus ds sinn cho… wirde usser boardshorts, mene tischi und em portmone wahrschinlech eh nüt bruche… ;o) (mh, vilech chunnt jo eu no öpis in sinn)
mol luege wies usechunnt. morn morge 07.50 flügt i ab, d.h. i chann jo grad no chli usschlofe ;o) hoffemer mol dass is einigermasse heil überstoh….
so, jetz muessi no chli überlegge, d wohnig no es bitz uf vorderma bringe u de is näscht.
cheers
o
so, “o“ goht online und er versucht tatsächlech en blogg ds betriebe. kei ahnig ob und wenn jo wie das das funktionniert, aber en versuech isches allemal wärt.
simmer gschpannt obs e eitagsflüge git oder ob do am änd no was drus wird..
cheers
o
